قصيدة مهداة الى صاحب السمو الملكي الأمير خليفة بن سلمان ال خليفة رئيس الوزراء الموقر
سيد الأمجاد
تبسم يا بعد كل الوجود و سيد الأمجاد
ففي بسمة سموك للمعالي " مجد" و " حكاية "
تبسم تمطر الدنيا فرح يحمل أماني جداد ..
و يستشبر بك التاريخ لانك " للفخر " آيه
سموك و المحبة بك تسامت بي عن المعتاد
و صار الشعر لعيونك مُسَلِّم رافع الراية !
مرايه للشعور اللي بفرحة شوفتك ينقاد
قرا بوجيهنا..و وجيهنا لقلوبنا مرايه ..
غلاتك؟ يا غلاك اللي حرام تكون له أبعاد
" نحبك " من هنا توصل الى اللي ماله نهايه
تفاصيل المحبة و الغلاة أكبر من التعداد ..
خليفة للقلوب و للزمان و ذخر و حماية
تبارك هالوطن كله بعد ما نورك الوقّاد..
شعاعه دثر حدود الوطن من بره و مايه
و من مثلك : يا عزوتنا .. تعدى بالحدود بلاد
بلد للطيب .. و الإنجاز ..و عزك وحده كفاية
على جناح العطا جودك يسافر و الهقاوي بعاد
و يكتب في المدى بالخير انقى و أصدق رواية
رواية " قائدٍ ملهم " بنى عالم صنع رواد
يحب الشعب و يحبه .. كريم .. انسان .. للغاية
وجودك يا الأمير من بيننا هو ثالث الأعياد
عسى ربي لنا يحفظك..رضاك وبسمتك غاية